Չեխիայում մարդատար գնացքը ռելսերից դուրս է եկել

Չեխիայի հյուսիս-արևելքում՝ Օլոմոուչի կենտրոնի մոտ, տեղի մարդատար գնացքը ռելսերից դուրս է եկել։ Այս մասին հայտնում է ČTK լրատվական գործակալությունը։

Վթարի հետևանքով տուժել են գնացքի յոթ ուղևորներից երկուսը։ Նյութական վնասը գնահատվել է 16 մլն կրոն (մոտ 600 հազար եվրո)։ Փորձագետները պարզում են արտակարգ իրավիճակի պատճառները։ Երկաթուղու այն հատվածում, որտեղ դա տեղի է ունեցել, գնացքների երթևեկությունը ժամանակավորապես դադարեցվել է։