«Ճանշին ընկերությունները վատ են աշխատում․ հիմնական տրանսպորտային երակները փակ են կցորդով ավտոմեքենաների համար»․ Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Գարնան առաջին ամիսն է ավարտվում։ Ձյուն է տեղում, որի հետևանքով Սպիտակի և Դիլիջանի ոլորանները փակ են կցորդով տրանսպորտային միջոցների համար։ Հայաստանի երկու հիմնական տրանսպորտային երակները փակ են կցորդով տրանսպորտային միջոցների համար։ Եղանակի այս փոփոխությունը հանկարծակի չի եղել, մեծ քանակությամբ ձյուն չի տեղացել, որ հնարավոր չլիներ այդ ոլորանները մաքրել։ Ուրեմն, ոլորանները սպասարկող ճանշին ընկերությունները վատ են աշխատում։ Դիլիջանի ոլորանների ճանապարհը սպասարկող «Քյավառ Սերվիս» ՍՊԸ-ի կողմից թերանալու մասին նախկինում էլ հրապարակումներ են եղել։ Ճանապարհային դեպարտամենտ, տարածքային կառավարման և ենթակառուցվածքների նախարարություն, ինչո՞ւ պատշաճ վերահսկողություն չեք իրականացնում»։