«Մոտ օրերս կմանրամասնեմ, թե ինչ ենք բանակցել Եվլախում»․ Դավիթ Մելքումյան

Եվլախում ադրբեջանցիների հետ հանդիպմանը մասնակցած արցախյան կողմի ներկայացուցիչ, Արցախի ԱԺ արտաքին հարաբերությունների մշտական հանձնաժողովի անդամ Դավիթ Մելքումյանն այսօր լրագրողների հետ զրույցում խոստացավ առաջիկայում մանրամասներ հայտնել, թե ինչ են բանակցել, Բաքվից ինչ առաջարկներ են ստացել:

«Հանրությունը մոտ օրերս կիմանա․․․ Ոտքի վրա չենք կարող քննարկել, մինչև այս շաբաթվա վերջ լրատվամիջոցների հետ առիթ կունենանք շփվելու, կմանրամասնեմ»,- նշեց Մելքումյանը։
«Առաջարկներն էնքան շատ էին, բայց որոշում կայացնողը Արցախի ժողովուրդն էր: Իսկ Արցախի ժողովուրդը որոշեց, որ մենք չենք ուզում ապրել ադրբեջանցիների հետ»,- ընդգծեց Մելքումյանը՝ պատասխանելով հարցին, թե ինչու հնարավոր չեղավ հասնել նրան, որ արցախցիներն անվտանգ մնան Արցախում։