«Ադրբեջանը Հայաստանին մեղադրում է էսկալացիայի մեջ, որպեսզի թույլ չտա Թուրքիա-Հայաստան սահմանի բացումը»․ Թաթուլ Հակոբյան

Լրագրող Թաթուլ Հակոբյանի ֆեյսբուքյան գրառումը․ «Ես մտածում եմ, որ Ադրբեջանը Հայաստանին մեղադրում է էսկալացիայի մեջ, որպեսզի թույլ չտա Թուրքիա-Հայաստան սահմանի բացումն ու դիվանագիտական հարաբերությունների հաստատումը Անկարայի և Երևանի միջև:
Ավելին, Բաքուն ամեն ինչ անելու է, որ Անկարա-Երևան ստատուս քվոն մնա հավերժ, այն է՝ փակ սահման:
Ես միշտ մտածել եմ, այդ մասին գրել եմ, իսկ այսօր արդեն համոզված եմ, որ Հայաստանի արտաքին քաղաքական կոպտագույն սխալներից մեկը, հատկապես և առաջին հերթին Քոչարյան-Օսկանյան զույգի ժամանակ, եղել է այն, որ մենք Հայաստան-Թուրքիա հարաբերությունների համար որևէ փոխզիջման չենք գնացել Ադրբեջանի հետ այն ժամանակ, երբ ունակ էինք և վճարելու բան ունեինք:
Թուրքիա-Հայաստան սահմանի բացումը հակասում է Ադրբեջանի կենսական շահերին:
Սահմանի բացման դեպքում Ադրբեջանը կորցնելու է իր այսօրվա կշիռը Թուրքիայում և տարածաշրջանում»: