«Շահրամանյանը նախ թող պատմի՝ ինչպե՞ս է իր ախրանիկներով կարողացել Արցախից դուրս գալ»․ Ալեն Սիմոնյան

«Իրենց ձեռնտու հատվածների վրա են կենտրոնանում, երեկ էլ մի չորս անգամ ասել եմ, որ շատերը կռվել են, իրենց կյանքն են զոհել։ Խոսքը նրանց մասին չէ, իսկ թե ո՞ւմ մասին է, բոլորը շատ լավ հասկացել են»,- լրագրողների հետ զրույցում ասաց ԱԺ նախագահ Ալեն Սիմոնյանը՝ պատասխանելով՝ «զղջո՞ւմ եք ձեր երեկվա հայտարարության համար։ Սամվել Շահրամանյանը պահանջել է ներողություն խնդրել, ինչպե՞ս կարձագանքեք» հարցին։ «Նախ մինչև նամակ գրելը, թող Շահրամանյանը պատմի՝ ինչպե՞ս է իր ախրանիկներով կարողացել Արցախից դուրս գալ, իսկ իր գործընկերները՝ ոչ։ Եթե ինձ հետ հարց ունի, ապա ԱԺ-ում նամակների բաժին կա, կարող է դիմել, գուցե պատասխանեմ, այլ կերպ մեկնաբանելու կարիք չկա»,- նշեց Սիմոնյանը՝ հավելելով, որ իր խոսքն ընդհանրական բնույթ չի ունեցել և բոլոր ղարաբաղցիներին չի վերաբերվել, այլ նրանց, ովքեր ուզել են Ղարաբաղը դատարկել, «թողել, եկել են Հյուսիսյան պողոտայի իրենց տներ»։