Հրդեհ է բռնկվել Արարատի մարզի դիզվառելիքի պահեստում

Այսօր՝ օգոստոսի 24-ին, խոշոր հրդեհ է տեղի ունեցել Արարատի մարզում: Ինչպես դեպքի վայրից հայտնում է ֆոտոլրագրող Գագիկ Շամշյանը, արդեն 30 րոպե է՝ ՀՀ ներքին գործերի նախարարության փրկարար ծառայության Արարատի և Երևանի մի քանի հրշեջ-փրկարարական ջոկաներից ժամանած հրշեջները պայքարում են Այնթափ գյուղի 13-րդ փողոցում գտնվող բենզալցակայանների տարածքում առաջացած կրակի դեմ: Կրակն ու ծուխը տեսանելի են մի քանի հարյուր մետրից:
Ըստ նախնական տեղեկությունների՝ այս պահին տուժածներ չկան: