Գյումրիում դայակն ու բուժքույրը պարբերաբար ծեծել են երեխաներին

«ԱրմԼուր»-ին մանրամասներ են հայտնի դարձել, թե ինչպես են Շիրակի մարզի ուսումնական հաստատություններից մեկի 45-ամյա և 51-ամյա բուժքույրն ու դաստիարակը պարբերաբար ֆիզիկական բռնության ենթարկել դպրոցի երեխաներին։ «Մեզ հասած բացառիկ տեղեկությունների համաձայն՝ օգոստոսի 15-ին Լիդիա Մարտիրոսյանը, որը Գյումրու «Երեխաների տուն» ՊՈԱԿ-ի տնօրենն է, անձամբ հաղորդում է տվել և իրավապահներին հայտնել, որ, իրականացնելով կառավարչական և վերահսկողական գործառույթներ, օգոստոսի 11-ին նկատել, այնուհետև տեսանկարահանող սարքերի ուսումնասիրությամբ փաստեր է հայտնաբերել, որ Ն. Մարտիրոսյանը, որը «Երեխաների տուն» ՊՈԱԿ-ի բուժքույրն է, և Ռ. Համբարձումյանը, որը դայակն է, պարբերաբար ֆիզիկական բռնության են ենթարկել ՊՈԱԿ-ի 3-րդ խմբասենյակի երեխաներին և ցուցաբերել նրանց նկատմամբ դաժան վերաբերմունք: Դեպքի փաստով ոստիկանության Մուշի բաժնում փաստաթղթեր են ձևակերպվել, որոնք փոխանցվել են ՀՀ Քննչական կոմիտեի Շիրակի մարզային քննչական վարչություն»,- հայտնում է լրատվամիջոցը։