«Մալիբու» այգում 21-ամյա երիտասարդի են դանակահարել

Այսօր՝ հունիսի 8-ին, արտակարգ դեպք է տեղի ունեցել Երևանում։ Ժամը 01։30-ի սահմաններում ՆԳՆ տեղեկություններ են ստացվել, որ Մաշտոցի պողոտայում գործող «Մալիբու» այգում դանակահարություն է տեղի ունեցել։ Ինչպես հայտնում է Գ․ Շամշյանը, ոստիկանները պարզել են, որ վիրավորը Երևանի բնակիչ 21-ամյա Գոռ Հ-ն է, ով հիվանդանոց է տեղափոխվել «կրծքավանադակի կտրած վերք» ախտորոշմամբ։ Ձեռնարկում են միջոցառումներ՝ դեպքի հանգամանքները պարզելու, կատարողի կամ կատարողների ինքնությունը ճշտելու, նրանց և հանցագործության գործիք առարկան հայտնաբերելու ուղղությամբ։