«Վաղը Նիկոլը քո տուն ա գալու ու ասի, որ պետք ա տաս». Վազգեն Սաղաթելյան

«Իմնեմնիմի» փոդքասթի համահեղինակ Վազգեն Սաղաթելյանը ֆեյսբուքյան իր էջում գրում է. «Ոսկեպարից ուղիղ միացումն եմ նայում, գյուղացիները հավաքվել են ու միաբերան նշում, որ չեն պատրաստվում լքել գյուղը, կկռվենք, ասում են, եթե պետք լինի, Ոսկեպարը երբեք չի հանձնվել և այսպես շարունակ: Նիկոլից ասում են մենակ էն, որ «վախեցած էր, մեր վարչապետը, փորձում էր մեզ էլ վախեցնել»: Էս մարդիկ (իրենց իսկ խոստովանությամբ) մեծամասամբ 6-8րդ դասարանի կրթություն ունեն ու ըստ այդմ չեն հասկանում, որ բայրաքթարների դեմ իրենց պայքարը տևելու ա 15 րոպե, հետո ով հասցրեց՝ ընտանիքը վերցնելու ա թռնի: Իրենք չեն հասկանում, որ սա 90-ականների կռիվը չի, որ «դուխը» գործոն չի հանդիսանում ու իրենք չեն հասկանում, որ միակ լուծումը, դա Նիկոլի արագ հեռացումն ու ազգային իշխանության հաստատումն ա: Իրենք իրավունք ունեն դա չհասկանալ, բայց Արցախի կորստից հետո քանի՞ օրինակ ա պետք հասարակության առավել կրթված հատվածին, որ գա մի պարզ գիտակցում. Վաղը Նիկոլը քո տուն ա գալու ու ասի, որ պետք ա տաս, թե չէ շաբաթվա վերջ պատերազմ ա սկսվելու...»: