«Չի կարելի տենց արտահայտվել, հետո մնալ արտահայտության տակ». Գևորգ Պետրոսյան

Արցախի ՊԲ նախկին հրամանատար Սամվել Բաբայանը երեկ հայտարարել էր, որ «Արցախը բոլորս ենք հանձնել»: ԱԺ նախկին պատգամավոր Գևորգ Պետրոսյանը «Հայելի» ակումբում ասուլիսի ժամանակ ասել է, որ Բաբայանը յուրացրել է Փաշինյանի գործելաոճը. «Պարո՛ն Բաբայան, էդ բոլորսը ո՞ւմ նկատի ունեք, օրինակ ես ինչո՞վ եմ Արցախը հանձնել: Չի կարելի Փաշինյանից յուրացնել էդ գործելաոճն ու ամեն ինչում մեղավորներ ման գալ: Չի կարելի տենց արտահայտվել, հետո մնալ արտահայտության տակ»: Պետրոսյանի խոսքով՝ Բաբայանի հայտարարությունը մերկապարանոց է ու անլուրջ: