Թուրքական ավիաուղիները չեղարկել են բոլոր չվերթները Ստամբուլից

Turkish Airlines-ը չեղարկել է Ստամբուլից 19:00-ից 22:00-ն մեկնող բոլոր չվերթները՝ համակարգային տեխնիկական խնդրի պատճառով, հայտնել է ավիաընկերության խոսնակ Յահյա Ուսթունը։
«Մեր համապատասխան ստորաբաժանումները շարունակում են աշխատել ցանցի ենթակառուցվածքում առկա խնդիրների պատճառով տոմսերի վաճառքի և ամրագրումների խափանումների վերացման ուղղությամբ: Մենք կշարունակենք կիսվել ընթացիկ իրավիճակի վերաբերյալ արդի տեղեկություններով»,- գրել է ներկայացուցիչը X սոցիալական ցանցում: