Իրանում մահապատժի են ենթարկել 2 մարդու՝ սոցցանցերում հրապարակումների համար
Իրանի իշխանությունները մահապատժի են ենթարկել երկու տղամարդու՝ սրբությունները և Մուհամեդ մարգարեին վիրավորելու մեղադրանքով, ինչը դատարանը հայտնաբերել է սոցիալական ցանցերում նրանց գրառումներում, հայտնում է իրանական Mizan գործակալությունը՝ հղում անելով երկրի Գերագույն դատարանի մամուլի ծառայությանը։ Երկու տղամարդիկ էլ կախաղանի միջոցով մահապատժի են ենթարկվել Իրանի Կենտրոնական նահանգի Արաք քաղաքի բանտում։ Ըստ քննիչների՝ Յասուջ և Արդաբիլ քաղաքի բնակիչներ Յուսեֆ Մեհրադը և Սարդոլլա Ֆազելի-Զարեն սոցիալական ցանցերում «հակաիսլամական» հաշիվներ են ունեցել։ Մասնավորապես, գործի նյութերում նշվում են նրանց ուղերձները, որոնք դիտվում են որպես սրբապղծություն Մարգարեի, նրա մոր և իմամների նկատմամբ, ինչպես նաև՝ աթեիզմի քարոզչություն։ Մեհրադը և Ֆազելի-Զարեհը, ըստ HRANA-ի, ձերբակալվել են 2020 թվականին՝ Սնահավատության և կրոնի քննադատության թելեգրամ-ալիքը ղեկավարելու մեղադրանքով: 2021 թվականին Արաք քաղաքի քրեական դատարանը Մեհրադին և Ֆազելի-Զարեին մեղավոր է ճանաչել սրբապղծության մեջ և նրանց դատապարտել մահապատժի։ Տղամարդիկ դատապարտվել են նաև 6 տարվա ազատազրկման՝ «ազգային անվտանգության դեմ խմբավորումներ ղեկավարելու համար»։ Նույն թվականին Իրանի Գերագույն դատարանը մերժեց նրանց բողոքները և անփոփոխ թողեց նրանց մահապատիժը։ Ամբաստանյալները, ըստ Mizan-ի, իրենց մեղավոր են ճանաչել։ |
«Տավուշի մարզպետարանում տեղյակ չեն, թե ինչ վիճակում են իրենց ենթակայությամբ գործող դպրոցները». Ոսկան Սարգսյան
3103:12«Որտե՞ղ է հիմա նկարում պարզ երևացող ոստիկանը». Հրանտ Ավետիսյան
53Երեկ, 23:18Թբիլիսիում բողոքի ակցիան ավարտվեց ԵՄ-ի և Վրաստանի օրհներգերով
51Երեկ, 22:48Արգիշտի Քյարամյանի հայտարարությունների հիման վրա քրեական վարույթ է նախաձեռնվել
60Երեկ, 22:30Արսեն Թորոսյանի նախկին վարորդը «փայ է մտել» դիահերձման վճարներից
59Երեկ, 22:18Երկար ժամանակով ջուր չի լինի Սյունիքի բազմաթիվ հասցեներում
53Երեկ, 22:00