«Ինչո՞ւ եք կանանց նվիրված միջազգային համագումարին մասնակցել երկու տղամարդկանցով»․ պատգամավորը՝ նախարարին

Նյու Յորքում կազմակերպված կանանց կարգավիճակի հարցերով հանձանժողովի նիստում Հայաստանի պատվիրակության կազմում կին գործիչ չկար, այնինչ շատ կարևոր է, որ նման քննարկումներին նաև կանայք մասնակցնեն՝ ներկայացնելով երկրում իրավիճակը. ԱԺ-Կառավարություն հարցուպատասխանի ժամանակ՝ դիմելով Աշխատանքի և սոցիալական հարցերի նախարար Նարեկ Մկրտչյանին՝ հարցրեց ՔՊ-ական Զարուհի Բաթոյանը:

Արձագանքելով՝ նախարարը պատասխանեց, որ ամեն տարի պատվիրակության կազմում կին հասարակական գործիչներ են լինում, բայց այս տարվա թեման վերաբերում էր նորարարական տեխնոլոգիաների կանանց տնտեսական ակտիվությանը, ուստի նպատակահարմար գտան տղամարդ գործիչների մասնակցությունը: