ՀՀ սահմաններին կա՞ արդյոք էսկալացիայի վտանգ. պարզաբանում է Սուրեն Պապիկյանը

«Էսկալացիայի վտանգը երբեք էլ չի դադարել, այդ մասին մենք մշտապես հայտարարել ենք»,-ԱԺ-ում՝ անդրադառնալով վարչապետի երեկ արված հայտարարություններին, ասաց Պաշտպանության նախարար Սուրեն Պապիկյանը:

«Ինչ վերաբերում է ՀՀ սահմաններին, ապա այս պահին կուտակում արձանագրված չէ, բայց մենք մեր աչալրջությունը չենք կորցնում։ Մենք մեր խաղաղության օրակարգից չենք շեղվում, բայց սա չի նշանակում, որ մեր երկրի սահմանները կամ տարածքային ամբողջականությունը սակարկելի են»,- ասաց նախարարը։