Երևան`   +16 °C
Այսօր`   Ուրբաթ, 29 մարտի, 2024 թ.

«Մարդիկ մեկ ժամից ավելի սպասում են Երևան գնացող տրանսպորտին». Լիլիթ Հովհաննիսյան

1700
Հինգշաբթի, 15 դեկտեմբերի, 2022 թ., 14:18
«Մարդիկ մեկ ժամից ավելի սպասում են Երևան գնացող տրանսպորտին». Լիլիթ Հովհաննիսյան

Լրագրող Լիլիթ Հովհաննիսյանը ֆեյսբուքյան իր էջում լուսանկարներ և տեսանյութ է տարածել՝ կից գրելով. «Սա Աշտարակի հրապարակի կանգառն է, ծանոթացեք։ Մարդիկ արդեն մեկ ժամից ավելի կանգնած սպասում են գոդոյին, կներեք Երևան գնացող տրանսպորտին։ Չկա։ Ոչ մի տրանսպորտ։ Պարզվեց՝ դեռ մի ժամ էլ չի լինելու։ Իսկ պատճառները շատ են։ Շատ վատ են կարգավորված տրանսպորտի ժամերը։ Երթուղայինների մեծ մասն Աշտարակով գնում է հարակից գյուղեր, ու այս գյուղեր գնացող տրանսպորտի վարորդներն առաջնորդվում են «երբ ուզեմ, կվարեմ» սկզբունքով։ Ու հենց էդպես էլ երբ ուզում են, վարում են։ Շաբաթ-կիրակի էլ ավելի վատ վիճակ է, էս վարորդները որոշում են հանգստանալ... Իսկ կանգառում կանգնած այս մարդիկ ամեն օր այս իրավիճակում են, ամեն օր այս ձևով փորձում են հասնել աշխատանքի։ Յանդեքս չի աշխատում գրեթե, ու ամենաաբսուրդը՝ եթե հանկարծ որևէ տաքսիի վարորդ որոշի այս մարդկանց հանրային տրանսպորտին համարժեք գնով առաջարկել Երևան հասնել, կարժանանա Աշտարակի ավտոկայանը «հսկողի» շատ վատ վերաբերմունքին»։