Երևան`   +19 °C
Այսօր`   Հինգշաբթի, 29 սեպտեմբերի, 2022 թ.

«19 զոհ, 50-ից ավելի վիրավոր՝ ընդամենը 15 օրում տեղի ունեցած ՃՏՊ-ների հետևանքով». Էդուարդ Հայրումյան

319
Ուրբաթ, 19 օգոստոսի, 2022 թ., 00:30
«19 զոհ, 50-ից ավելի վիրավոր՝ ընդամենը 15 օրում տեղի ունեցած ՃՏՊ-ների հետևանքով». Էդուարդ Հայրումյան

Օգտատեր Էդուարդ Հայրումյանը գրել է. «Երեկ և այսօր Հայաստանում և Արցախում սգո օր է հայտարարված։ 17 զոհ, 1 անհայտ կորած, 61 տուժած։ Պետությունն, ինչպես միշտ, մեղավոր չէ, իսկ խնդիրը մտածում են լուծել ամենապրիմիտիվ եղանակով՝ արգելելով հրավառության նյութերի ներմուծումն ու վաճառքը (դա իմ կարծիքով՝ թեկուզ ժամանակավոր, բայց պետք էր անել անմիջապես 44-օրյայի սկսվելուն պես):
Այս աննախադեպ ողբերգությունը միանգամից գրավեց բոլորի ուշադրությունը, քանի որ միանգամից այդքան զոհ և վիրավոր՝ այն էլ Երևանի կենտրոնում, առաջին անգամ են մարդիկ տեսնում։
Իսկ կարո՞ղ ա պետական մարմինների բացթողումների ու անգործության պատճառով էլի են մարդիկ տուժում, բայց ոչ բոլորն են դա նկատում։
Ես միշտ ուսումնասիրում եմ, ճանապարհատրանսպորտային պատահարները և փորձում վերլուծել ինքս ինձ համար։ Այսօր որոշեցի մի քիչ ավելի մանրամասն գրաֆիկով (գրաֆիկի նկարը՝ ստորև) առանձնացնեմ օգոստոսի 1-ից 15-ը ՀՀ-ում տեղի ունեցած ողբերգական ելքով ճանապարհատրանսպորտային պատահարները։
Այդ թվերը սարսափեցնող են՝ 19 զոհ, ընդ որում 8 ամսական երեխա, 50-ից ավելի վիրավոր՝ ընդ որում, 5-ից ավել ծայրահեղ ծանր, 2 հղի կին, 8 անչափահաս՝ որից 2-ի դեպքում ղեկին եղել են հենց անչափահասները։ Ու սա ընդամենը 15 օրվա ընթացքում՝ օգոստոս ամսին, որ ոչ եղանակային վատ պայմաններ են, ոչ էլ սառցակալված ճանապարհներ։
ՀՀ կառավարություն, Ճանապարհային Ոստիկանություն, Երևանի քաղաքապետարան, ստեղ հեշտ լուծում չկա՝ դուք չեք կարող արգելել մեքենաների շահագործումը, ստեղ պետք ա գործել, ամեն օր՝ 24 ժամ, առանց շաբաթ-կիրակի։
Իսկ թե ինչից կարելի ա սկսել՝ այսօր մի փոքրիկ վիդեո կանեմ ու կուղարկեմ Ձեզ»։