Երևան`   +17 °C
Այսօր`   Ուրբաթ, 20 մայիսի, 2022 թ.

«Այսպես է լինում, երբ հոգով ստրուկները հասնում են իշխանության»․ Ավետիք Իշխանյան

269
Շաբաթ, 29 հունվարի, 2022 թ., 00:00
«Այսպես է լինում, երբ հոգով ստրուկները հասնում են իշխանության»․ Ավետիք Իշխանյան

Իրավապաշտպան Ավետիք Իշխանյանի գրառումը․ «ՀՈԳՈՎ ՍՏՐՈՒԿՆԵՐԸ
Քիչ առաջ նայեցի, ԱԱԾ գործակալ, ԱԺ նախկին խոսնակ, այժմ Արտաքին գործերի նախարարի այցը Եռաբլուր։ Ինքնավստահ, մեծամիտ կեցվածքով, սույն գործիչ-գործակալը «մեծահոգաբար» պատասխանում, ավելի ճիշտ՝ սաստում էր լրագրողներին։ Բայց, ամենակարևորն այն էր, որ սույն գործակալ- գործիչը Եռաբլուրում քայլում էր թիկնապահի ուղեկցությամբ։ Թիկնապահը ծաղիկների փունջը ձեռքին, ուղեկցում էր «բարձրաստիճան» տիրոջը, որսալով նրա հայացքը, փնջից ծաղիկներ էր առանձնացնում և նրան մատուցում։ Հիշեցի, սույն գործակալ-գործչի համար վերարկու, անձրևանոց պահելու կադրերը։ Խնդիրն այն է, որ սույն գործիչ-գործակալը, նույն կերպ քծնում և թիկնապահի դեր է կատարում իր տիրոջ՝ բռնապետիկի համար։ Այսպես է լինում, երբ հոգով ստրուկները հասնում են իշխանության։

Աղբյուրը`   Ավետիք Իշխանյան