Երևան`   +26 °C
Այսօր`   Չորեքշաբթի, 05 օգոստոսի, 2020 թ.

Ինչպես պաշտպանվել անօդաչու թռչող սարքերից

247
Չորեքշաբթի, 15 հուլիսի, 2020 թ., 00:20
Ինչպես պաշտպանվել անօդաչու թռչող սարքերից

ԱԹՍ-երը օգտագործվում են ռազմական հետախուզության և մահացու հարվածների համար, ունեն չափազանց հզոր տեսախցիկ, որը կարող է տարբերել մարդկանց և մեքենաները՝ մի քանի կմ բարձրությունից: Անօդաչու սարքերի մեծ մասը հագեցած է ինֆրակարմիր գիշերային տեսախցիկով կամ, այսպես կոչված, ինֆրակարմիր համակարգով: Նրանք կարող են հեռավորությունից զգալ մարդու մարմնի ջերմությունը՝ գիշերը կամ ցերեկը:
Նախքան ԱԹՍ-ը ոչնչացնելը՝ կարևոր է այն բացահայտելը։ Ժամանակակից ԱԹՍ-երը ծախսում են քիչ քանակությամբ բենզին կամ աշխատում են էլեկտրական շարժիչով, որի արդյունքում քիչ ջերմություն է արտանետվում և թռչում են գրեթե լուռ։
Այնուամենայնիվ, անդաչու թռչող սարքերից պաշտպանվելու ուղիներ կան:
«ՀԱՅԱՍՏԱՆԻ ԴՕՍԱԱՖ» ՀԿ-ի ցուցումերը ԱԹՍ նկատելու դեպքում՝
1. Ցերեկային քողարկում. թաքնվեք շենքերի կամ ծառերի ստվերում: Օգտագործեք խիտ անտառը՝ որպես բնական ապաստարան կամ օգտագործեք քողարկող ցանցեր:
2. Գիշերային քողարկում. թաքնվեք շենքերի ներսում կամ պաշտպանվեք ծառերի և սաղարթի միջոցով:
3. Ջերմային քողարկում. պաշտպանիչ ծածկոցներ (այսպես կոչված տիեզերական ծածկոցներ): Դրանք պատրաստված են մայլարից, չեն թողնում ինֆրակարմիր ճառագայթների թափանցումը: Գիշերն օգտագործեք պաշտպանիչ ծածկոցները՝ որպես շալ, դա կօգնի Ձեզ՝ չբացահայտել Ձեր գտնվելու վայրը: Շոգ եղանակին, երբ ջերմաստիճանը 36°-40°C է, ինֆրակարմիր տեսախցիկը չի կարող ճանաչել մարդուն:
4. Սպասեք վատ եղանակի: Անօդաչու թռչող սարքերը չեն կարող աշխատել ուժեղ քամու, ծխի կամ ամպրոպի դեպքում:
5. Ոչ մի անլար կապ: Բջջային հեռախոսի օգտագործումը կամ GPS սարքերը կարող են ցույց տալ Ձեր գտնվելու վայրը:
6. Ապակու արտացոլող կտորները կամ որևէ այլ հայելային նյութերը տների և մեքենաների տանիքին՝ խոչընդոտում են անօդաչու սարքի տեսախցիկի աշխատանքին:
7. Կեղծ մտադրություններ. օգտագործեք մարդու հասակին համապատասխանող մանեկեններ՝ օդային հետախուզությանը խաբելու համար:
Ինչպես են ոչնչացնում ԱԹՍ-երը
• Սարքի ոչնչացման համար մեծ դեր են խաղում GPS արբանյակային նավիգացիոն համակարգի ազդանշանների ճնշման տեխնոլոգիաները։ Այն բավականին խոցելի է, իսկ առանց դրա տվյալների այժմ ոչ մի շարժական սարքավորում չի կարող մնալ օդում։
• Անօդաչու թռչող սարքին լուրջ վտանգ է սպառնում GPS ազդանշաններին հատուկ տրամադրված խլացման սարքերով ճնշելը։ Դրանք հեշտությամբ տեղադրվում են պահպանվող օբյեկտների վրա և «խլացուցիչներ»-ի օգնությամբ կարելի է պատնեշ ստեղծել։
• Սակայն ավելի լավ են աշխատում ոչ թե ուժային հնարքները, այլ GPS նավիգացիոն համակարգի վրա էլեկտրոնային խաթարող գրոհները։ Հարձակման ժամանակ, շահագրգիռ կողմը կեղծ ազդանշաններ է ուղարկում ԱԹՍ-ի ուղղությամբ, ինչը շեղում է՝ տրամադրելով սխալ նավիգացիոն տվյալներ։ Բնականաբար, ԱԹՍ-ների խմբային հարձակման ժամանակ ոչնչացվում են ավելի շատ սարքեր։
• Էլեկտրոնային պատերազմի ժամանակ մեկ այլ նորամուծություն է հզոր միկրոալիքային ճառագայթումը։ Միկրոալիքային հարվածը կարող է այրել ցանկացած ռադիոէլեկտրոնային սարքավորում։
Սակայն ֆիզիկապես սարքերը հնարավոր է վերացնել հրթիռի, թնդանոթի կամ ռումբի միջոցով։