Երևան`   +12 °C
Այսօր`   Չորեքշաբթի, 27 մայիսի, 2020 թ.

Ամերիկացիների ավելի քան մեկ երրորդը հրաժարվում է գնել Made in China գրությամբ ապրանքներ

2243
Երկուշաբթի, 18 մայիսի, 2020 թ., 20:50
Ամերիկացիների ավելի քան մեկ երրորդը հրաժարվում է գնել Made in China գրությամբ ապրանքներ

ԱՄՆ բնակչության ավելի քան մեկ երրորդը մտադիր չէ չինական որևէ ապրանք գնել՝ համաձայն FTI Consultig-ի կողմից արված ուսումնասիրության, գրում Bloomberg-ը:
Հարցվածների 40%-ը նշել է, որ չի գնելու Չինաստանում արտադրված ապրանքներ: Եվս 34%-ը նշել է, որ պատրաստ է ապրանքներ գնել Made in China գրությամբ, սակայն առանց մեծ հրճվանքի: Հարցվածների միայն 26%-ն է նշել, որ ապրանքների չինական ծագումը որևէ ազդեցություն չի ունենա իրենց ընտրության վրա:
Հարցված ամերիկացիների միայն 12%-ն է նշել, որ պատրաստ չէ գնել աշխարհի այլ երկրներում արտադրված իրեր: Երկրորդ տեղում Լատինական Ամերիկայի արտադրանքն է։ Հարցվածների 84%-ը կգնեն դա, և միայն 16%-ը կհրաժարվեն Լատինական Ամերիկայում արտադրված իրերից։ Հարցված ամերիկացիների 78%-ը պատրաստ է սեփական միջոցներով աջակցել տնտեսության պաշտպանողականությանը: Նրանք նշել են, որ պատրաստ են ավելի շատ գումար վճարել ապրանքի համար, եթե իմանան, որ դրա արտադրությունը Չինաստանից տեղափոխվում է Միացյալ Նահանգներ: Հարցվածների 55%-ը չի հավատում, որ Չինաստանին կարելի է վստահել։