Պատմության մեջ առաջին անգամ՝ WTI նավթը՝ զրո դոլար

Տեխասյան WTI ապրանքանիշի նավթի մայիսյան ֆյուչերսները 100%-ով գնանկում են ապրել:
Այս մասին են վկայում լոնդոնյան ICE աճուրդի տվյալները:

Ավելի վաղ հաղորդվում էր, որ երևանյան ժամանակով 21:56-ի դրությամբ՝ նավթի մեկ բարելի գինը կազմել է 0.01 դոլար: Մինչդեռ հունիսյան ֆյուչերսների գինը նվազել է 12.4 տոկոսով և կազմում է 21.92 դոլար՝ մեկ բարելի դիմաց:

Նավթի գներն անկում են ապրում կորոնավիրուսի պատճառով հումքի պահանջարկի նվազման հետևանքով: Պատճառներից մեկն էլ այն է, որ OPEC+-ն անկարող եղավ պայմանավորվածության հասնել մարտ ամսին: Պայմանավորվածությունը կքնվեց միայն ապրիլին, ինչը, սակայն, չկարողացավ ազդել գնանկման վրա: