Չինաստանի ՀՆԱ-ը ռեկորդային անկում է գրանցել

Չինաստանի ՀՆԱ-ը կորոնավիրուսի համավարակի ազդեցությամբ տարեկան արտահայտությամբ 2020 թվականի առաջին եռամսյակում անկում է ապրել 6,8%-ով, ինչը տեղի է ունեցել 1976 թվականից ի վեր առաջին անգամ, գրում է South China Morning Post-ը՝ վկայակոչելով ՉԺՀ-ի վիճակագրության ազգային բյուրոյի (NBS) տվյալները:

Reuters-ը նշում է, որ Չինաստանի տնտեսությունը 1992 թվականից ի վեր, երբ սկսել են վիճակագրություն վարել, առաջին անգամ բացասական աճ է ցուցադրել։
Բացի այդ, համաձայն NBS-ի տվյալների, մարտ ամսվա ընթացքում երկրի տնտեսությունը շարունակում է մնալ ուժեղ ճնշման տակ: Հատկապես տուժել է արդյունաբերական ոլորտը, մանրածախ առևտուրը և հիմնական միջոցների ներդրումը տնտեսության մեջ: 2020 թվականի հունվար և փետրվար ամիսներին 20,5% ռեկորդային անկումից հետո մանրածախ վաճառքը նվազել է 15,8%-ով, իսկ հիմնական միջոցների ներդրումները նվազել են 16.1%-ով:
Մարտին Չինաստանում գործազրկության մակարդակը կազմել է 5,9%՝ հունվար-փետրվար ամսվա համեմատ նվազելով 6,2%-ով: Այնուամենայնիվ, SCMP-ն նշում է, որ այս տվյալներն ամբողջական չեն, քանի որ չեն ներառում բազմաթիվ այն աշխատանքային միգրանտներին, որոնք չեն կարողացել վերադառնալ Չինաստան՝ համավարակի պատճառով սահմանված տեղաշարժի սահմանափակումների պատճառով: