Երևան`   +9 °C
Այսօր`   Ուրբաթ, 03 ապրիլի, 2020 թ.

#Apple-ի կապիտալացումն առաջին անգամ հոկտեմբերից ի վեր կազմել է 1 տրիլիոնից քիչ գումար

1138
Չորեքշաբթի, 25 մարտի, 2020 թ., 00:35
#Apple-ի կապիտալացումն առաջին անգամ հոկտեմբերից ի վեր կազմել է 1 տրիլիոնից քիչ գումար

ԱՄՆ-ի Apple ընկերության շուկայական կապիտալացումը 2019 թվականի հոկտեմբերից ի վեր առաջին անգամ կազմել է 1 տրիլիոն դոլարից քիչ գումար, գրում է The Wall Street Journal-ը:
Ըստ թերթի՝ ընկերության բաժնետոմսերի գինը նվազել է 2,12%-ով՝ մեկ բաժնետոմսի դիմաց հասնելով 224,37 դոլարի: Այս գնով ընկերության շուկայական արժեքը կազմել է մոտավորապես 982 միլիարդ դոլար:

Apple-ի կապիտալացումը 2019 թվականի հոկտեմբերին գերազանցել էր մեկ տրիլիոն դոլարը՝ նոր iPhone սմարթֆոնների ու այլ տեխնիկայի շնորհանդեսից հետո: Ընկերության արժեքը փետրվարին կազմել էր մոտ 1,4 տրիլիոն դոլար: Սակայն ընկերության բաժնետոմսերը կորցրեցին իրենց արժեքի 31%-ը՝ ԱՄՆ-ում կորոնավիրուսի տարածումը կանխելու ծրագրի պատճառով։