«Գազպրոմ»-ը Բուլղարիայի համար գազի գինը կկրճատի 40%-ով

Բուլղարիայի վարչապետ Բոյկո Բորիսովը հայտարարել է, որ «Գազպրոմը» 40%-ով իջեցրել է գազի մատակարարման գինը, գրում է ТАСС գործակալությունը:

Բորիսովը հայտարարել է, որ «Գազպրոմ»-ն այսօր արդեն հանձնել է ստորագրված պայմանագիրը՝ բնական գազի գնի առավելագույն իջեցման համար։ Նա այս իրադարձությունը որակել է որպես «խորհրդանշական նվեր»՝ 1877-1878 թվականների ռուս-թուրքական պատերազմում Բուլղարիայի ազատագրման 142-րդ տարեդարձի կապակցությամբ, որը նշվում է մարտի 3-ին: