Ստեղծվել է #CoronaCoin-ը, որի կուրսն աճում է կորոնավիրուսից յուրաքանչյուր մահվան հետևանքով

Ստեղծվել է նոր կրիպտոարժույթ՝ CoronaCoin-ը, որի քանակի նվազումը կախված է Covid-19 կորոնավիրուսի հետևանքով մահերից, գրում է crypto-24-ն: CoronaCoin-ը թողարկվել է Ethereum բլոքչեյնում. յուրաքանչյուր 48 ժամը մեկ CoronaCoin-ի գնահատականը փոխվում է՝ կախված կորոնավիրուսից մահերի ԱՀԿ վիճակագրությունից:

Թվային արժույթը նպատակ ունի բարձրացնել համաճարակի ընթացքի վերաբերյալ մարդկանց իրազեկվածությունը, նաև կաջակցի այն կազմակերպություններին, որոնք պայքարում են կորոնավիրուսի դեմ։ Reddit սոցիալական ցանցի օգտատերերը քննադատել են ծրագրավորողներին: Ոմանք CoronaCoin-ի թողարկումը համարում են անբարոյական և անճաշակ: Բայց նոր կրիպտոարժույթի հեղինակները քննադատությունը համարում են անհիմն և խոստանում են եկամտի 20%-ն ուղարկել Կարմիր խաչի ընկերություն: