#Samsung-ը դադարեցրել է ծալովի հեռախոսների արտադրությունը

Samsung ընկերությունը ժամանակավորապես փակել է հարավկորեական Կումի քաղաքի իր գործարանը, որն արտադրում էր ծալովի հեռախոսներ, գրում է Reuters-ը: Պատճառն աշխատակիցներից մեկի մոտ կորոնավիրուսի ախտանշանների հայտնաբերումն է: Գործակալության տվյալներով՝ կորոնավիրուսի ախտանիշները հայտնաբերվել են գործարանի աշխատակցի մոտ փետրվարի 22-ին. նա և իր գործընկերները տեղափոխվել են կարանտինային գոտի: Հաղորդվում է, որ ընկերության սմարթֆոնների մեծ մասը հավաքվում է Վիետնամում ու Հնդկաստանում, սակայն Կումիում է կենտրոնացած ծալովի Galaxy Z Flip-ի ու Galaxy Fold-ի արտադրությունը: