Երևան`   +8 °C
Այսօր`   Երեքշաբթի, 07 ապրիլի, 2020 թ.

#Facebook-ը մեղադրվում է հարկային մարմիններից 9 մլրդ դոլար թաքցնելու մեջ

1751
Հինգշաբթի, 20 փետրվարի, 2020 թ., 21:30
#Facebook-ը մեղադրվում է հարկային մարմիններից 9 մլրդ դոլար թաքցնելու մեջ

ԱՄՆ Ներքին եկամուտների ծառայությունը (IRS) մեղադրել է Facebook ընկերությանը 9 միլիարդ դոլար հարկեր թաքցնելու մեջ: Գործակալությունը դատարանի միջոցով պահանջում է վերականգնել գումարը սոցիալական ցանցից, գրում է Reuters-ը:

Դատական նիստն սկսվել է փետրվարի 18-ին՝ Սան Ֆրանցիսկոյի դատարանում: Ակնկալվում է, որ գործընթացը կշարունակվի երեք-չորս շաբաթ:
Ամերիկյան հարկային ծառայության պահանջները վերաբերում են Իռլանդիայում գրանցված ընկերության «դուստր» ձեռնարկությանը, որին փոխանցվել է մտավոր սեփականության իրավունքը։ Ամերիկյան կորպորացիաները հաճախ դուստր ձեռնարկություն են բացում Իռլանդիայում՝ 12,5 տոկոս ցածր կորպորատիվ հարկի պատճառով (ԱՄՆ-ում այն կազմում է 35 տոկոս): ԱՄՆ հարկային ծառայությունը պնդում է, որ մտավոր սեփականության իրավունքները փոխանցման ժամանակ թերագնահատվել են։