Մահացել է cut, copy ու paste հրամանների ստեղծողը

ԱՄՆ-ում 74 տարեկան հասակում կյանքից հեռացել է Լարրի Թեսլերը, հաշվողական տեխնոլոգիաների ոլորտի ծրագրավորող և մասնագետ, Cut (Ctrl+x), Copy (Ctrl+c) և Paste (Ctrl+v) հրամաններ ստեղծողը: Այս մասին հաղորդել է AppleInsider-ը, հաստատել է Xerox ընկերությունը, որտեղ նա աշխատել է 70-ականներց:

Թեսլերը ծնվել է Բրոնքս քաղաքում 1945-ին, սովորել է Սթենֆորդի համալսարանում՝ ստանալով գիտական աստիճան։ 60-ականների սկզբին եկել է Սիլիկոնյան հովիտ, երբ համակարգիչները լայնորեն հասանելի չէին շատերի համար: Նա սկսել է մասնագիտանալ ինտերֆեյսի ձևավորման մեջ՝ ձգտելով համակարգիչները դարձնել ավելի հարմարավետ:

1973-1980 թվականներին Թեսլերն աշխատել է Xerox Palo Alto հետազոտական կենտրոնում (PARC): Նրա ստեղծած cut, copy ու paste հրամաններն առաջին անգամ օգտագործվել են 1973-1976 թվականներին՝ Smalltalk-76 ծրագրավորման լեզվի վրա աշխատելիս: