#Boeing-ը 400 միավոր 737 MAX ինքնաթիռ կստուգի՝ վառելիքի բաքում հայտնաբերված օտար իրերի պատճառով

Ամերիկյան Boeing ընկերությունն ստուգումներ է սկսում մի քանի 737 MAX օդանավերի վառելիքի բաքերում օտար իրերի հայտնաբերումից հետո։ Այս մասին գրում է Bloomberg գործարար տեղեկատվական գործակալությունը՝ վկայակոչելով 737 MAX ծրագրի գլխավոր տնօրեն Մարկ Ջենքսին:

Փաստաթղթում Ջենքսն իր ենթականերին հայտնել է, որ պատվիրատուներին ուղարկվող օդանավերի վառելիքի բաքերում օտար իրերի առկայությունն անթույլատրելի է: Գործակալության տվյալներով՝ պատճառը եղել է գործիքների մասերի և լաթերի կտորների հայտնաբերումն այս տիպի մի քանի ինքնաթիռների բաքերում:

Ջենքսը հրահանգել է, որպեսզի բոլոր այդ օդանավերը ստուգվեն՝ վտանգավոր թերությունը շտկելու համար: