Երևան`   +9 °C
Այսօր`   Կիրակի, 22 նոյեմբերի, 2026 թ.

Արքայազն Էնդրյուն հրաժարվել է իրեն ծովակալի կոչում շնորհելուց՝ սկանդալի պատճառով․ #DailyExpress

2092
Ուրբաթ, 07 փետրվարի, 2020 թ., 23:10
Արքայազն Էնդրյուն հրաժարվել է իրեն ծովակալի կոչում շնորհելուց՝ սկանդալի պատճառով․ #DailyExpress

Մեծ Բրիտանիայի Եղիսաբեթ II-րդ թագուհու որդին՝ արքայազն Էնդրյուն որոշում է կայացրել ժամանակավորապես հրաժարվել իրեն ռազմածովային ուժերի ծովակալի կոչում շնորհելուց՝ ամերիկացի ֆինանսիստ Ջեֆրի Էփշթեյնի հետ իր կապերի շուրջ սկանդալի պատճառով, գրում է Daily Express-ը: Ռազմածովային ուժերի ծովակալի կոչումը նրան պետք է շնորհվեր ծննդյան 60-ամյակի (փետրվարի 19-ին) կապակցությամբ՝ հին ավանդույթի համաձայն, ըստ որի՝ թագավորական ընտանիքի ավագ անդամները պետք է զինվորական ծառայության մեջ գտնվեն: Սակայն, Բուքինգհեմյան պալատի անանուն ներկայացուցչի խոսքով, արքայազն Էնդրյուին խորհուրդ է տրվել հրաժարվել ծրագրված կոչումից, քանի դեռ նա չի կարող լիովին վերսկսել իր պաշտոնական պարտականությունների կատարումը որպես թագավորական ընտանիքի անդամ: