Երևան`   +9 °C
Այսօր`   Կիրակի, 22 նոյեմբերի, 2026 թ.

Ավարտվեցին Թրամփի իմպիչմենթի քննության գործով պաշտպանական ու մեղադրական կողմերի ելույթները

1633
Երեքշաբթի, 04 փետրվարի, 2020 թ., 12:10
Ավարտվեցին Թրամփի իմպիչմենթի քննության գործով պաշտպանական ու մեղադրական կողմերի ելույթները

Փետրվարի 3-ին ԱՄՆ նախագահ Դոնալդ Թրամփի իմպիչմենթի հետ կապված դատավարության ընթացքում մեղադրական և պաշտպանական կողմերը հանդես եկան եզրափակիչ խոսքով:
Դեմոկրատական կուսակցության ներկայացուցիչները կոչ արեցին սենատորներին հեռացնել Թրամփին ԱՄՆ նախագահի պաշտոնից: Ըստ նրանց՝ Թրամփի մեղավոր լինելու ապացույցները «տպավորիչ» են:
Կոնգրեսի Ստորին պալատի հետաքննությունների հարցերով հանձնաժողովի նախագահ Ադամ Շիֆի խոսքով՝ սենատորներն այժմ պետք է հավատարիմ մնան իրենց երդմանը և դատապարտեն Դոնալդ Թրամփին՝ իշխանության չարաշահման և Կոնգրեսի հետաքննության խոչընդոտման երկու մեղադրանքով:
Իրենց հերթին, Թրամփի պաշտպանները հորդորեցին անմեղ ճանաչել Թրամփին:
Սպիտակ տան գլխավոր իրավախորհրդատու Փեթ Չիպոլոնեն իր վերջին ելույթում հայտարարեց, որ սենատորները պետք է ճանաչեն Դոնալդ Թրամփին անմեղ։
Սենատորները վերջնական որոշումը կայացնելու են փետրվարի 5-ին:

Որպեսզի Սենատը սատարի Ներկայացուցիչների պալատի մեղադրանքները Թրամփի դեմ լիազորությունները չարաշահելու և Կոնգրեսի քննությունը խոչընդոտելու համար, անհրաժեշտ է հավաքել ձայների երկու երրորդը: Հաշվի առնելով, որ Սենատի նույնիսկ կեսը կողմ չքվեարկեց վկաներին հարցաքննության հրավիրելու օգտին, ակնկալվում է, որ փետրվարի 5-ին սենատորներն արդարացնելու են Թրամփին: