«Մոնտրյոյի կոնվենցիան չի տարածվի «Ստամբուլ» ջրանցքի վրա»․ Էրդողան

Թուրքիայի նախագահ Թայիփ Էրդողանը հայտարարել է, որ Բոսֆորի նեղուցով նավերի անցման ռեժիմի մասին Մոնտրյոյի կոնվենցիան չի տարածվի Սև ու Մարմարա ծովերի միջև նախագծվող «Ստամբուլ» ջրանցքի վրա:
Ավելի վաղ Էրդողանը հայտարարել էր «Ստամբուլ» ջրանցքի շինարարության համար մրցույթ անցկացնելու մտադրության մասին, ինչը, նրա կարծիքով, «կվերացնի Բոսֆորի վրա շրջակա միջավայրի տեխնածին աղետների սպառնալիքը»: Ստամբուլի քաղաքապետ Էկրեմ Իմամօղլուն դեմ է այս նախագծին և կոչ է անում հանրաքվե անցկացնել: Թուրքիայի նախագահի խոսնակ Իբրահիմ Կալինը հայտարարել է, որ «Ստամբուլ» ջրանցքով նավերի անցումը կհամապատասխանի Բոսֆորի մասին Մոնտրյոյի կոնվենցիային: