«Հյուսիսային հոսք-2»-ի պատժամիջոցները մտան ուժի մեջ

ԱՄՆ նախագահ Դոնալդ Թրամփն այսօր ստորագրել է երկրի պաշտպանական բյուջեն: Փաստաթղթում ներկայացված են «Հյուսիսային հոսք-2» և «Թուրքական հոսք» գազատարի դեմ սահմանված պատժամիջոցները: Գազատարների կառուցման սահմանափակումն ուժի մեջ է մտնում բյուջեի հաստատումից անմիջապես հետո, այս մասին հատուկ մեկնաբանությամբ ընդգծել է ԱՄՆ ֆինանսների նախարարությունը, գրում է Ведомости-ն:

Պատժամիջոցները կարող են սահմանվել գազատարների կառուցման մեջ ներգրավված ընկերությունների, ինչպես նաև այդ ընկերությունների ղեկավարների նկատմամբ: «Կողմերը, որոնք գիտակցաբար վաճառել, վարձակալել կամ վարձակալության են տվել նավերը, որպեսզի տեղադրվի խողովակաշարը 100 ոտնաչափ խորության վրա, «Հյուսիսային հոսք-2» և «Թուրքական հոսք» գազատարի կառուցելու համար, պետք է ապահովեն, որ այդպիսի նավերն անմիջապես դադարեցնեն շինարարական գործողությունները»,- նշվում է ԱՄՆ Ֆինանսների նախարարության տարածած հայտարարության մեջ:
Պետդեպարտամենտը և ԱՄՆ գանձարանը 60 օրվա ընթացքում պետք է առաջարկություններ պատրաստեն, թե ում նկատմամբ պատժամիջոցներ կիրառվեն: