Կիպրոսը դատական հայց է ներկայացրել Թուրքիայի դեմ

Կիպրոսի իշխանությունները միջնորդություն են ներկայացրել Հաագաում ՄԱԿ-ի միջազգային դատարան՝ պաշտպանելու ափամերձ գոտում օգտակար հանածոների արդյունահանման իրավունքը ՝ կապված այդ տարածքների նկատմամբ Թուրքիայի հավակնությունների հետ, հաղորդում է Reuters գործակալությունը:
Կիպրոսի Հանրապետությունն ու Թուրքիան իրավունքներ են ներկայացնում Արևելյան Միջերկրականում նավթի առափնյա ադրյունահանման նկատմամբ: Նիկոսիան այդ գոտում նավթի ու գազի որոնման թույտվություններ է տրամադրել մի քանի բազմազգ ընկերությունների:
Գործակալության տվյալներով՝ Կիպրոսի նախագահ Նիկոս Անաստասիադիսը հայտարարել է, որ նա վճռական է պաշտպանել երկրի սեփական իրավունքներն առկա բոլոր իրավական միջոցներով: «Հաագա դիմելու մեր նպատակը հենց դա է»,- հայտարարել է Անաստասիադիսը: