ԱՄՆ-ի բյուջեի դեֆիցիտը հասել է մոտ տրիլիոն դոլարի

ԱՄՆ-ի բյուջեի դեֆիցիտը ընթացիկ ֆինանսական տարում, որն ավարտվում է սեպտեմբերի վերջին, ավելացել է՝ հասնելով մոտ մեկ տրիլիոն դոլարի։ Ինչպես հաղորդել է հոկտեմբերի 25-ին Վաշինգթոնի գանձապետարանի գերատեսչությունը, դեֆիցիտը նախորդ տարվա 12 ամիսների ընթացքում աճել է 26 տոկոսով կամ մոտ 984 միլիարդ դոլարով, տեղեկացնում է DW-ն։ Այս ցուցանիշն ամենաբարձրն է վերջին 7 տարվա ընթացքում: Բյուջեի եկամուտներն աճել են 4 տոկոսով՝ հասնելով 3,462 տրլն դոլարի, իսկ պետական ծախսերը ավելացել են 8 տոկոսով՝ կազմելով 4,447 տրիլիոն դոլար: ԱՄՆ-ի նախագահ Դոնալդ Թրամփը պաշտոնը ստանձնելուց հետո հայտարարեց, որ ցանկանում է 8 տարվա ընթացքում վերացնել բյուջեի դեֆիցիտը: Սակայն, նա ոչ միայն գործողության մեջ մտցրեց հարկերի նվազման համալիր ծրագիրը՝ ի շահ բիզնեսի, այլև ավելացրեց ծախսերը, այդ թվում պաշտպանական կարիքների համար։ Մասնավորապես, ԱՄՆ-ի պաշտպանության նախարարության բյուջեն ավարտվող բյուջետային տարում ավելացել է 9 տոկոսով։