«Էթիկայի հանձնաժողով ստեղծում են մի մարդու համար, ով էթիկայի նորմերին համապատասխանում է». Քրիստինե Պողոսյան

Խորհրդարանը քննարկում է «Լուսավոր Հայաստան» խմբակցության ներկայացրած «Գնումների մասին» նախագիծը:

Հիշեցնենք՝ ԱԺ պաշտպանության և անվտանգության հարցերի մշտական հանձնաժողովի նիստում նախագծի քննարկումն ուղեկցվել էր վիճաբանությամբ, փոխադարձ վիրավորանքներով:

«Իմ քայլից» Քրիստինե Պողոսյանն այսօր կրկին անդրադարձավ այդ նիստին՝ հայտարարելով, որ եկել է խնդրելու գործընկերներին՝ քննարկելու Գևորգ Գորգիսյանի վարքագիծը. «Էթիկայի հանձնաժողով ստեղծում են մի մարդու համար, ով էթիկայի նորմերին համապատասխանում է, ձեզ, առհասարակ, էթիկայի նորմերի հետ կապված էլ չեմ անդրադառնա»:

«Մենք ասում ենք՝ միայն հատուկ պետական պաշտպանության ենթակա անձանց համար ծախսերը դարձնել թափանցիկ, էն ամենը, ինչ վերաբերելու է ազգային անվտանգությանը, մնում է գաղտնի»,- անդրադառնալով նախագծին՝ պարզաբանեց Գորգիսյանը:

«Գնումների մասին» նախագիծը օրակարգ ներառելու հարցը դրվեց քվեարկության ու մերժվեց: