«Եվրոմիությունը կարող է կրկնել Խորհրդային Միության ճակատագիրը». Սորոս

Ամերիկացի ֆինանսիստ և բարերար Ջորջ Սորոսը հայտարարել է, որ Եվրոմիությունը կարող է կրկնել 1991թ. Խորհրդային Միության ճակատագիրը, «եթե եվրոպական երկրների ղեկավարությունն ու քաղաքացիները չարթնանան և չպաշտպանեն ԵՄ արժեքները»: Այս մասին հայտնում է «Коммерсант»-ը:

Սորոսի խոսքով՝ այժմ ԵՄ-ն «հեղափոխական պահ» է վերապրում, սակայն ո՛չ քաղաքական գործիչները, ո՛չ քաղաքացիները դա չեն ըմբռնում: Նրա կարծիքով՝ կարևորագույն պահ կարող են լինել Եվրոխորհրդարանի մայիսյան ընտրություններում, որոնց կարող են խոչընդոտել «հակաեվրոպական ուժերը»:

Նման իրավիճակը Սորոսը բացատրել է կուսակցական հնացած համակարգով, որն առկա է եվրոպական մի շարք երկրներում:

Բացի այդ, Սորոսը ԵՄ ներկայիս ղեկավարությունը համեմատել է ԽՍՀՄ փլուզման ժամանակ սովետական Պոլիտբյուրոյի հետ, որը «շարունակում էր հրամաններ արձակել, ասես թե, դեռ ակտուալ էր համարվում»:

Այդ կապակցությամբ ֆինանսիստը կոչ է արել «արտաքին և ներքին թշնամիներից» պաշտպանել Եվրոպան: