2019-ին ի՞նչ փոփոխությունների կենթարկվեն տեղական տուրքերի և վճարների դրույքաչափերը
![]() Քաղաքապետարանում ընթացող ավագանու նիստի օրակարգի 3-րդ հարցը Երևան համայնքում 2019-ի տեղական տուրքերի և վճարների դրույքաչափեր սահմանելու հարցին էր վերաբերում: Քաղաքապետ Հայկ Մարությանն խոսելով տուրքերի և վճարների դրույքաչափերից, նշեց որ կլինեն բացառություններ մանր և միջին բիզնեսի համար. այն է՝ մինչև 58,3 մլն դրամ տարեկան շրջանառություն ունեցող բոլոր կազմակերպությունները կազատվեն այս բարձրացումներից և նրանք կշարժվեն 2018 թվականի սույն կետով: «Մեր ընդունած որոշումը կազդի հունվարի 3-ից: Սա վերաբերում է բոլոր այն ձեռնարկություններին, որոնց տարեկան շրջանառությունը 58,3 մլն դրամից ցածր է»,- տեղեկացրեց քաղաքապետը: Ըստ զեկուցող՝ Երևանի քաղաքապետարանի աշխատակազմի եկամուտների հաշվառում և գանձման վարչության պետ Արմեն Հարությունյանի՝ 2018-ում, ընդհանուր առմամբ, պահպանվել են տեղական տուրքերի դրույքաչափերը, բացառությամբ մի քանիսի. դրանք են՝ ոչ հիմնական շենք-շինությունների համար նախատեսված շինթույլտվութունների տրամադրման տեղական տուրքի դրույքաչափը: Փոփոխության է ենթարկվել Երևանի վարչական տարածքում հեղուկ վառելիքի՝ սեղմած բնական և հեղուկացված նավթային գազերի վաճառքի թույլտվության դրույքաչափը (օրացույցային տարվա համար սահմանվել է 600 հազար դրամ, նախկինում 350 հազար դրամի փոխարեն): Փոփոխության են ենթարկվել Երևանի վարչական տարածքում՝ առևտրի, հանրային սննդի, խաղատներին, զվարճանքի, բաղնիք-սաունաներին ժամը 24-00-ից հետո աշխատելու թույլտվության դրույքաչափերը, օրացույցային տարվա համար տեղական տուրքերը: Փոփոխության է ենթարկվել Երևանի խորհրդանշանը՝ զինանշանը, ֆիրմային տարբեր գործարքներում օգտագործելու համար տեղական տուրք սահմանելու վերաբերյալ: Համապատասխան տեղական տուրքեր են սահմանվել տեխնիկական և հատուկ նշաակության հրավառություն իրականացնելու թույլտվության համար: Ավելացել են նաև տուրքերը՝ կարաոկե, դիսկոտեկ, բաղնիք-շոգեբաղնիք-սաունաների համար, որոնք գործելու են 2019-ի սեպտեմբերի 26-ից: Հայկ Մարությանն առաջարկեց հունվարի 15-ին անցկացնել արտահերթ նիստ և արտոնություններ սահմանել ՓՄ բիզնեսի համար: |

Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
370Երեկ, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
39315.11.2026, 19:19
Խաղողագործներին փող չեն տալիս․ «Հրապարակ»
18814.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
54013.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
17012.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
43610.11.2026, 19:37
