Երևան`   +31 °C
Այսօր`   Չորեքշաբթի, 26 հունիսի, 2019 թ.

«Լուկաշենկոյի հայտարարությունը՝ կապված Սերժ Սարգսյանի հետ, կրակոց է հայաստանյան ներքաղաքական իրավիճակի վրա». Կարեն Հովհաննիսյան

331
Ուրբաթ, 14 դեկտեմբերի, 2018 թ., 19:25
«Լուկաշենկոյի հայտարարությունը՝ կապված Սերժ Սարգսյանի հետ, կրակոց է հայաստանյան ներքաղաքական իրավիճակի վրա». Կարեն Հովհաննիսյան

Լուկաշենկոյի հայտարարությունը՝ կապված Սերժ Սարգսյանի հետ, կրակոց է հայաստանյան ներքաղաքական իրավիճակի վրա:
Լուկաշենկոն այս հայտարարությունը կարող էր անել ՀՀ ԱԺ ընտրություններից առաջ, որի արդյունքում հնարավոր է մի որոշ ընտրազանգված գնար ու ձայն տար ՀՀԿ-ին: Սակայն , Լուկաշենկոն դա անում է այսօր, քանի որ հենց ընտրություններից հետո է հարկավոր Հայաստանում սրել ներքաղաքական իրավիճակը, քաղաքական դաշտում ստեղծել բևեռացում, ընդ որում միմյանց նկատմամբ ընդգծված թշնամությամբ: Նիկոլ Փաշինյանի իր ելույթներից մեկում ասում էր, որ ՀՀԿ-ն բանակցել է միայն հանձնելու շուրջ, և հանկարծ այսօր Լուկաշենկոն հայտարարում է, որ Սերժ Սարգսյանը դեմ է եղել շրջանների հանձնմանը: Այստեղ ակնհայտ է հայտարարության միտումը, ակնհայտ է ձեռագիրը, այսպիսով փորձում են հայաստանյան ներքաղաքական դաշտում ստեղծել վիճակ, որտեղ, այսպես ասած, խոսելու տեղ կունենան նախկին իշխանության ներկայացուցիչները, իսկ այդ մարդիկ խորհրդարանում չեն, չեն կարող օգտագործել խորհրդարանական ամբիոնը, և մնում է հանրահավաքային ամբիոնը: Կարո՞ղ էին չէ մինչև հեղափոխությունը դա ասել, հեղափոխությունից հետո դա ասել, վերջապես մինչև ԱԺ ընտրություններն ասել: Ոչ՝ հիմա, որպեսզի արտախորհրդարանական ուժերի միջոցով կրկին լարվածություն մտցնեն ներհայաստանյան քաղաքական դաշտում»: