«Առանց հանրային համաձայնության որևէ հարկային բեռի ավելացում չի լինելու». Արարատ Միրզոյան
![]() «Առանց լայն հանրային քննարկման, առանց հանրային համաձայնության որևէ հարկային բեռի ավելացում չի լինելու, դա բացառվում է»,- Կառավարության արտահերթ նիստում՝ անդրադառնալով ՊԵԿ-ի ներկայացրած հայտարարագրման համակարգի ներդրման օրենսդրական նախաձեռնությանը, ասել է ՀՀ առաջին փոխվարչապետի պաշտոնակատար Արարատ Միրզոյանը: Նա նշել է, որ քննարկումները կարող են «մանիպուլյատիվ» տեսք ստանալ, կարող են աղավաղվել և մեկնաբանվել ոչ այնպես, ինչպես կա: «Բայց կարող են մեկնաբանվել նաև այնպես, ինչպես կա և արժանանալ մարդկանց կամ չարժանանալ մարդկանց հավանությանը: Միայն հանրության աջակցությանն արժանանալուց հետո դրանք կարող են կյանքի կոչվել»,- պարզաբանել է Միրզոյանը: Նա մանրամասնել է, որ գաղափարը եկամուտների համընդհանուր հայտարարագրման համակարգ ներդնելն է, ու եթե դա կյանքի կոչվի, բոլոր քաղաքացիները պետք է հայտարարագրեն իրենց եկամուտները, ինչպես դա հիմա անում են համապատասխան պաշտոն զբաղեցնողները: «Նախ պետք է հասկանալ, թե որքանով է Հայաստանը պատրաստ դրան և նույնիսկ, եթե այս գաղափարը կյանքի կոչվի, պետք է բացառվի որևէ եկամտի կրկնակի հարկումը: Այսինքն չի կարող պատահել, որ որևէ մեկն իր եկամտից Ռուսաստանում կամ ԱՄՆ-ում հարկ է վճարում, ու մի հատ էլ Հայաստանում են հարկում»,- շարունակել է առաջին փոխվարչապետի պաշտոնակատարը՝ հավելելով, որ պետք է քննարկվի՝ թե որքանո՞վ երկիրը կարող է շահել, քաղաքացիները որքանո՞վ կարող են շահել, որքանով՝ ոչ: |

Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
370Երեկ, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
39315.11.2026, 19:19
Խաղողագործներին փող չեն տալիս․ «Հրապարակ»
18814.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
54013.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
17012.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
43610.11.2026, 19:37
