«Մարիխուանայի արտահանումը կօգնի Վրաստանի տնտեսությանը». Իվանիշվիլի
![]() Վրաստանում իշխող «Վրացական երազանք» կուսակցության հիմնադիր և ղեկավար, միլիարդատեր Բիձինա Իվանիշվիլին հայտարարել է, որ մարիխուանայի արտահանումը կօգնի երկրի տնտեսությանը, սակայն եթե եկեղեցին և հանրությունը դեմ են այդ գաղափարին, ապա նրանց դիրքորոշումները հաշվի կառնվեն: Ավելի վաղ Վրաստանի վարչապետ Մամուկա Բախտաձեն հայտարարել էր, որ կառավարությունը կքննարկի բժշկական և արտահանման նպատակներով մարիխուանայի աճեցման օրինականացման հնարավորությունը: Դեմ էր հանդես եկել Ամենայն Վրաց կաթողիկոս-պատրիարք Իլյա 2-րդը: Վրաստանի խորհրդարանը հոկտեմբերի սկզբին որոշել էր 2 ամսով հետաձգել հարցի քննարկումը: «Այն, որ պատրիարքությունը մտահոգված է, հասկանալի է, քանի որ վրաց եկեղեցին հոգ է տանում ժողովրդի մասին…Թեմայի շուրջ քննարկումները շարունակվում են, և եթե մեզ վստահեցնեն, որ այն իրոք ռիսկեր է պարունակում, ապա «Վրացական երազանք»-ի թիմը չի գնա հասարակության դեմ»,- վրացական 3 հեռուստաալիքների հետ զրույցում ասել է Իվանիշվիլին: Նշենք, որ Վրաստանում հոկտեմբերի 28-ին անցկացվելու են նախագահական ընտրություններ: Նախագահը կընտրվի ոչ թե 5, այլ 6 տարի ժամկետով: Վրաստանի ԿԸՀ-ն գրանցել է 25 թեկնածուի: Նրանց թվում են՝ Վրաստանի նախկին արտգործնախարար Սալոմե Զուրաբիշվիլին, ում աջակցում է Իվանիշվիլիի «Վրացական երազանք»-ը, միացյալ ընդդիմության թեկնածու Գրիգոլ Վաշաձեն, «Լեյբորիստական» կուսակցության առաջնորդ Շալվա Նաթելաշվիլին և «Եվրոպական Վրաստան» կուսակցության թեկնածու Դավիթ Բաքրաձեն: |

Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
370Երեկ, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
39315.11.2026, 19:19
Խաղողագործներին փող չեն տալիս․ «Հրապարակ»
18814.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
54013.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
17012.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
43610.11.2026, 19:37
