Երևան`   +16 °C
Այսօր`   Չորեքշաբթի, 17 հոկտեմբերի, 2018 թ.

«ԼՂ հարցով բանակցություններում առաջընթաց կա». ԱՄՆ Պետդեպարտամենտ

975
Չորեքշաբթի, 10 հոկտեմբերի, 2018 թ., 21:55
«ԼՂ հարցով բանակցություններում առաջընթաց կա». ԱՄՆ Պետդեպարտամենտ

Եվրոպայի և Եվրասիայի հարցերով ԱՄՆ պետքարտուղարի օգնականի տեղեկալ Ջորջ Քենթը կարծիք է հայտնել, որ Լեռնային Ղարաբաղի հակամարտության բանակցային գործընթացում առաջընթաց կա, փոխանցում է РИА Новости-ն:

«Ադրբեջան այցի ժամանակ մենք ընդգծեցինք ԼՂ հակամարտության կարգավորմանն ուղղված առաջընթացը, որը ձեռք է բերվել ինչպես Նյու Յորքում ՀՀ և Ադրբեջանի ԱԳՆ ղեկավարների, այնպես էլ Դուշանբեում ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումների ժամանակ»,- ասել է նա Բաքվում տեղի ունեցած մամուլի ասուլիսի ժամանակ:

Քենթի խոսքով՝ ԱՄՆ-ն որպես ԵԱՀԿ Մինսկի խմբի համանախագահող երկիր՝ լրջորեն է վերաբերվում հակամարտության կարգավորման հարցով իր պարտավորություններին:

«2 շաբաթ անց ՄԽ համանախագահները կայցելեն տարածաշրջան: Ցանկանում եմ նշել, որ շփման գծում լարվածությունը նվազել է»,- հավելել է Ջորջ Քենթը: