Facebook-ի բաժնետոմսերի ռեկորդային անկում. տագնապալից նշան Ցուկերբերգի կամ ողջ ֆոնդային շուկայի համար
Facebook-ի բաժնետոմսերն ԱՄՆ-ում հիմնական առևտրի փակումից անմիջապես հետո ընկել են 24%-ով: Ընկերության արժեքն ընկել է 150 միլիարդ դոլարով, իսկ ընկերության հիմնադիր Մարկ Ցուկերբերգի կարողությունը նվազել է 17 միլիարդ դոլարով: Անկումն ամերիկյան ֆոնդային շուկայի պատմության մեջ ամենախոշորն է դարձել: Ըստ հրապարակված տվյալների՝ 2018թ. երկրորդ եռամսյակում Facebook-ի եկամուտն աճել է 42%-ով՝ մինչև 13,2 միլիարդ դոլար: Արդյունքները չեն գոհացրել վերլուծաբաններին և ներդրողներին, ովքեր ակնկալել են 13,4 միլիարդ դոլար: Բաժնետոմսերի անկման պատճառով սոցցանցն ու իր հիմնադիրը կորցրել են 16,8 միլիարդ դոլար: Նման հաշվարկ է կատարել Bloomberg-ը: Գործակալությունը նաև նշել է, որ Ցուկերբերգը կարող է զրկվել աշխարհի ամենահարուստ մարդկանց ցուցակում երրորդ տեղից: 2018թ. ընթացքում սոցցանցն արդեն մի քանի անգամ հայտնվել է սկանդալի կենտրոնում: Ավելի վաղ հայտնի է դարձել, որ բրիտանական վերլուծական Cambridge Analytica ընկերությունը, որը համագործակցել է ԱՄՆ նախագահ Դոնալդ Թրամփի նախընտրական շտաբի հետ, հավաքել է սոցցանցի 87 միլիոն օգտատերերի տվյալները՝ վերջինների քաղաքական նախընտրությունները վերլուծելու համար: Սկանդալի պատճառով Cambridge Analytica-ն կորցրել է իր բոլոր հաճախորդներին, իսկ Ցուկերբերգն ստիպված է եղել ցուցմունք տալ ԱՄՆ Կոնգրեսում: |
Թրամփի խորհրդականները քննարկում են պատժամիջոցների սահմանումը երկրների դեմ, որոնք կհրաժարվեն դոլարից․ #Bloomberg
18709:36«Հայ-ադրբեջանական «գազային սիրավեպի» զարգացման շուրջ». Վահե Դավթյան
124Երեկ, 16:54«Դրական եմ վերաբերվում». Ալեն Սիմոնյան (տեսանյութ)
109Երեկ, 14:06«Հայաստանը կարող է արտոնյալ գնով ադրբեջանական գազ ստանալ»․ Ալիև
110Երեկ, 12:18«Հենց խոսում ենք կրիպտոարժույթների մասին, պետական ինստիտուտները խուճապային նամակներ են գրում». վարչապետ
97Երեկ, 11:48«Քարֆուրի» տերերը հեռանում են Հայաստանից. «Հրապարակ»
99Երեկ, 09:36