Երևան`   +21 °C
Այսօր`   Երեքշաբթի, 16 հոկտեմբերի, 2018 թ.

Տիգրան Բալայանը՝ Փաշինյան-Ալիև հնարավոր հանդիպման մասին

128
Չորեքշաբթի, 26 սեպտեմբերի, 2018 թ., 12:00
Տիգրան Բալայանը՝ Փաշինյան-Ալիև հնարավոր հանդիպման մասին

ՀՀ ԱԳՆ մամուլի խոսնակ Տիգրան Բալայանն այսօր ճեպազրույցի ընթացքում անդրադարձել է Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հնարավոր հանդիպմանը:

«Պատրաստ ենք հանդիպման, և վարչապետը տարբեր առիթներով այդ մասին բարձրաձայնել է, որ պատրաստ է հանդիպել և Հայաստանի անունից բանակցել Ադրբեջանի ղեկավարի հետ, պարզապես այդ հանդիպումը չպետք է լինի ինքնանպատակ: Հանդիպումը պետք է լինի բովանդակային, և մենք ակնկալում ենք, որ այն կբերի կոնկրետ արդյունքներ»,- ասել է Բալայանը:

Անդրադառնալով ՀԱՊԿ-ում և ԵԱՏՄ-ում Ադրբեջանին դիտորդի կարգավիճակ տալու հնարավորությանը, Բալայանը նշել է. «Այս պահի դրությամբ հնարավոր չէ, քանի որ Ադրբեջանը չի համապատասխանում այդ կազմակերպությունների հիմնադիր փաստաթղթերով սահմանված չափանիշներին, հետևաբար, նման քննարկում ստորին և բարձր մակարդակներով չի եղել»: