«Հույս ունեմ Սամվել Ալեքսանյանը ելույթ կունենա և կփարատի բոլորիս կասկածները, որ գործ ունենք ընտրակաշառքների հետհավաքման գործընթացի հետ». Ն. Փաշինյան
«ՀՀ-ում տեղի է ունեցել գնաճի շղթայական ռեակցիա, տեղի է ունեցել լայն սպառման ապրանքների մի հսկայական գնաճ: Կառավարությունը հրապարակում է 2,6 %, որը ծիծաղելի թիվ է: Դա առնվազն 21,9 % է՝ մեր անցկացրած ուսումնասիրությունների արդյունքով: Այս թանկացումը չէր բացառվում, որովհետև երկու ընտրություն էինք ունեցել իրար վրա, որոնք շատ ակտիվ ընտրակաշառքային ներգործությամբ էին աչքի ընկել՝ մեկը խորհրդարանական ընտրությունները, մյուսը՝ Երևանի քաղաքապետի, որից հետո էլ տեղի է ունեցել այսպես կոչված՝ ընտրակաշառքների հետհավաքման պրոցեսը, որը միշտ էլ տեղի է ունենում»,- այսօր ԱԺ արտահերթ նիստին ասաց հիմնական զեկուցող, «Ելք» խմբակցության ղեկավար Նիկոլ Փաշինյանը՝ «ՀՀ հարկային օրենսգրքում փոփոխություններ և լրացումներ կատարելու մասին» օրենքի նախագծի քննարկմանը: «Այս երևույթը մենք կարող ենք ցույց տալ ոչ միայն բենզինի, դիզվառելիքի պարագայում, այլև շաքարավազի: Եթե միջազգային շուկայում շաքարավազի գներն էժանացել են 39,4 %-ով, ապա Հայաստանում՝ 6,2 %-ով: Այսինքն՝ դուք կարող եք տեսնել, թե գնային ինչպիսի մարժա է տեղի ունեցել: Ես հույս ունեմ, որ այս խնդրի կապակցությամբ ՀՀԿ պատգամավոր պարոն Ալեքսանյանը ելույթ կունենա և կփարատի մեր բոլորի կասկածները, որ տվյալ դեպքում մենք գործ ունենք այսպես ասած՝ ընտրակաշառքների հետհավաքման գործընթացի հետ»,- հայտարարեց Ն. Փաշինյանը՝ առաջարկելով վերադառնալ մինչև հունվար եղած Հարկային օրենսգրքով սահմանված դրույքաչափերին: |
Թրամփի խորհրդականները քննարկում են պատժամիջոցների սահմանումը երկրների դեմ, որոնք կհրաժարվեն դոլարից․ #Bloomberg
18709:36«Հայ-ադրբեջանական «գազային սիրավեպի» զարգացման շուրջ». Վահե Դավթյան
124Երեկ, 16:54«Դրական եմ վերաբերվում». Ալեն Սիմոնյան (տեսանյութ)
109Երեկ, 14:06«Հայաստանը կարող է արտոնյալ գնով ադրբեջանական գազ ստանալ»․ Ալիև
110Երեկ, 12:18«Հենց խոսում ենք կրիպտոարժույթների մասին, պետական ինստիտուտները խուճապային նամակներ են գրում». վարչապետ
97Երեկ, 11:48«Քարֆուրի» տերերը հեռանում են Հայաստանից. «Հրապարակ»
99Երեկ, 09:36