«ԱՄՆ-ն կարող է մեկ երրորդով կրճատել իր ռազմական ներկայությունը Եվրոպայում»․ #NBC

Փենթագոնը դիտարկում է Եվրոպայից ամերիկյան զինվորականների մեկ երրորդին դուրս բերելու հնարավորությունը, հաղորդում է NBC News-ը՝ հղում կատարելով իր աղբյուրներին։ Նշվում է, որ Եվրոպայում ամերիկյան զորակազմը կարող է կրճատվել առնվազն 25 հազար զինծառայողով։ Չի բացառվում, որ արդյունքում եվրոպական երկրներում գտնվող ռազմակայաններում ԱՄՆ զինվորականների թիվը կիսով չափ կրճատվի՝ հասնելով 40 հազարի։ Բացի այդ, Փենթագոնն ուսումնասիրում է Եվրոպայից ռազմական ինքնաթիռների, նավերի և այլ սպառազինության դուրսբերման հնարավորությունը։

Աղբյուրները հավելել են, որ մինչև նոյեմբերի 6-ը Փենթագոնի ղեկավար Փիթ Հեգսեթը պետք է իր ենթականերից ստանա Եվրոպայից ամերիկյան զինվորականների դուրսբերման կամ ՆԱՏՕ-ի արևելյան թևի երկրներ նրանց վերաբաշխման հնարավորությունների վերաբերյալ զեկույցի վերջնական տարբերակը։ Այնուհետև առաջարկությունները կներկայացվեն ԱՄՆ-ի նախագահ Դոնալդ Թրամփին։

Նշենք, որ ԱՄՆ-ն քննարկում է Եվրոպայում իր ռազմական զորակազմի կրճատման հնարավորությունը՝ եվրոպական երկրների՝ սեփական պաշտպանության ծախսերն ինքնուրույն հոգալու պահանջների ֆոնին։