«Ռուս-ուկրաինական հակամարտությունը շատ շուտով կավարտվի»․ Թրամփ

Ռուսաստանի և Ուկրաինայի միջև հակամարտությունը շատ շուտով կավարտվի, հայտարարել է ԱՄՆ նախագահ Դոնալդ Թրամփը։

«Մենք շատջանք ենք գործադրում, որպեսզի Ռուսաստանն ու Ուկրաինան կարգավորման հասնեն… Գիտեք, ես ավարտել եմ ութ պատերազմ։ Եվ ամենադժվարը Ռուսաստանի և Ուկրաինայի միջև պատերազմն է, քանի որ առաջնորդները ատում են միմյանց», — ասել է Թրամփը Հյուսիսային Կարոլինա նահանգում իր կողմնակիցների հանրահավաքի ժամանակ։

«Իրականում հենց այս պատերազմն է բարձրացնում դիզելային վառելիքի գները, բայց այս ամենը շատ շուտով կավարտվի, և ի վերջո դուք կստանաք այնպիսի երկիր [ԱՄՆ], ինչպիսին նախկինում երբեք չեք տեսել։ Որովհետև, կրկնում եմ, մեր երկրում այժմ ավելի շատ աշխատատեղեր են ստեղծվում և ավելի շատ գործարաններ են կառուցվում, քան երբևէ մեր երկրի պատմության ընթացքում։ Սա հիանալի կլինի։ Դա տեղի կունենա շատ շուտով»,- ասել է նա։