«ԱՄՆ-ն Իրանի դեմ B-1 ռազմավարական ռմբակոծիչ է կիրառել»․ #Axios

Ամերիկացի զինվորականները նախօրեին B-1 հեռահար ռազմավարական ռմբակոծիչ են կիրառել՝ Իրանի Իսլամական հեղափոխության պահապանների կորպուսի (ԻՀՊԿ) օբյեկտներին հարվածներ հասցնելու համար, հայտնում է Axios-ը՝ հղում կատարելով ամերիկացի պաշտոնյաներին։

Նշվում է, որ դա ԱՄՆ-ի և Իրանի միջև ռազմական գործողությունների վերսկսումից հետո առաջին նման դեպքն էր։ Լրատվամիջոցի տվյալներով՝ ինքնաթիռն օդ է բարձրացել Մեծ Բրիտանիայում գտնվող ավիաբազայից։

Ավելի վաղ Bloomberg-ը, հղում կատարելով իր աղբյուրներին, հայտնել էր, որ Մեծ Բրիտանիայի նոր վարչապետ Էնդի Բըրնհեմը չի չեղարկել իր նախորդի՝ Քիր Սթարմերի տված համաձայնությունը, որով ԱՄՆ-ին թույլատրվել էր օգտագործել բրիտանական ռազմական բազաները Իրանին հարվածներ հասցնելու համար։

ԱՄՆ նախագահ Դոնալդ Թրամփը հուլիսի 8-ին հայտարարել է, որ հունիսի 18-ի գիշերը Իրանի հետ ձեռք բերված հրադադարն այլևս ուժի մեջ չէ։ Հուլիսի 8-ից սկսած՝ ԱՄՆ զինված ուժերը սկսել են հարվածներ հասցնել Իրանին։