Չինաստանում երեխան խեղդվել է լողավազանի ջրահեռացման խողովակի ջրապտույտի մեջ

Չինաստանում 11-ամյա տղան մահացել է լողավազանում՝ ջրի շրջանառության համակարգի անսարքության պատճառով։ Mothership-ը հաղորդում է, որ երեխային քաշել է է ջրահեռացման խողովակի ջրապտույտը:

Դեպքը տեղի է ունեցել մարզասրահում՝ մոր աչքի առաջ։ Դեպքի պահին փրկարար չի եղել։ Տղայի ձեռքը մինչև ուսը հայտնվել է ջրահեռացման խողովակի մեջ։ Մեկ այլ երեխա առաջինն է նկատել և օգնություն է կանչել։

Տղայի մայրը և լողի մարզիչը ժամանել են դեպքի վայր, բայց չեն կարողացել նրան դուրս հանել։ Միայն շրջանառության համակարգի էլեկտրաէներգիան անջատելուց հետո անձնակազմը կարողացել է ազատել տղային, բայց արդեն ուշ է եղել։ Բժիշկները մեկ ժամ փորձել են վերակենդանացնել նրան հիվանդանոցում, բայց վերակենդանացումը անհաջող է եղել։ Իշխանությունները փակել են մարզասրահը և հետաքննություն սկսել։ Իրավապահ մարմինները քրեական գործ են հարուցել անփութության հետևանքով մահ պատճառելու համար։ Մասնագետները ներկայում հետաքննում են անձնակազմին՝ անփութության և անվտանգության կանոնների խախտման համար։

Նմանատիպ միջադեպեր տեղի են ունենում շատ երկրներում։ 2019 թվականին 12-ամյա ռուս աղջիկ է մահացել թուրքական հյուրանոցում, երբ նրա ձեռքը խրվեց ջրահեռացման խողովակի մեջ, ինչի հետևանքով նա խեղդվել է։