Իրանը սպառնացել է ԱՄՆ-ին

Եթե ԱՄՆ-ն հարվածներ հասցնի Իրանի միջուկային և գաղտնի օբյեկտներին, ապա Թեհրանը պատասխան հարվածներ կհասցնի ամերիկյան օբյեկտներին, այդ թվում՝ Վաշինգթոնի դաշնակիցների տարածքներում։ Այս մասին ասվում է Իրանի բարձրագույն ռազմական հրամանատարության հայտարարության մեջ, հայտնում է IRIB-ը։

Հայտարարությունը հնչել է ի պատասխան ԱՄՆ նախագահ Դոնալդ Թրամփի սպառնալիքների՝ «շատ հզոր հարված» հասցնել ցանկացած օբյեկտի, որտեղ Իրանը «նույնիսկ կմտածի» միջուկային զենքի մասին։ Այսպես նա արձագանքել է The Wall Street Journal-ի հրապարակմանը, ըստ որի՝ Իսրայելը ԱՄՆ-ին է փոխանցել հետախուզական տվյալներ, որոնց համաձայն՝ Իրանն անցյալ աշնանը ցենտրիֆուգները տեղափոխել է Քոլանգ լեռան թունելներ։