«ԵՄ-ն մշակում է ՀՀ-ի հետ առևտրային հարաբերությունների բարելավման միջոցառումների փաթեթ». #FT

ԵՄ-ն հրատապ կարգով միջոցառումների փաթեթ է պատրաստում Հայաստանի հետ առևտրային հարաբերությունների բարելավման համար՝ կապված Ռուսաստանի կողմից տնտեսական սահմանափակումների հետ: Այս մասին հայտնում է Financial Times (FT)-ը ՝ հղում կատարելով չորս աղբյուրների։

Լրատվամիջոցի տվյալներով՝ Բրյուսելը «մշակում է այսպես կոչված ինքնավար առևտրային միջոցառումներ, որոնք կնվազեցնեն հայկական սննդամթերքի և գյուղատնտեսական ապրանքների արտահանման մաքսատուրքերը»։

Ինչպես լրատվամիջոցին հայտնել է Եվրոհանձնաժողովի ներկայացուցիչ Օլոֆ Գիլը, ԵՀ-ն կառաջարկի «ինքնավար առևտրային միջոցներ, որոնք կօգնեն ավելի մեծ թվով հայկական ձեռնարկությունների հասանելիություն ստանալ ԵՄ-ում շուկայական նոր հնարավորություններին և աջակցել երկրի տնտեսությանն այնտեղ, որտեղ այն ամենաշատն է տուժել»:

«Հիմա ակտիվանալու և նրանց աջակցելու ժամանակն է, ցույց տալու, որ մենք կարող ենք վստահելի գործընկեր լինել»,- ասել է FT-ի աղբյուրներից մեկը։